小心股市

股市炒到內銀，萬事要小心了！正如一直所講，今年會炒到你唔信，會炒到爆！差不多要爆了

FACEBOOK

最近睇Facebook發覺已經唔係睇朋友的事，全部都只不過就係廣告呀、分享嘅嘢，用Facebook的興趣由以前好想用，變到唔想用。呢個趨勢我相信唔單止是我有這個感覺，大家都會有，當呢個感覺越來越大時，Facebook自然就會被其他代替。

樓市

最近，身邊一位從不關心股樓的人士向我表達：「收到非常可靠的消息，樓價好快又會再急升！有錢要買樓喇」

當然，坦白說最近幾個月我也有懷疑是否估錯，一邊講危險，個市一直升番上黎，市場充斥著一片利好的聲音。香港樓價日日破頂，澳門樓價再重上高位。所以，不再爭論爆煲這個問題，這個也許是別人賺大錢的機會，只是我沒有這種命數。或者應該這樣說：「世界變了，以前股樓，只有5%是贏家，未來只有5%是輸家」大家開心，何樂而不為呢！

法國大選

唔好以為馬克龍贏硬，就像美國大選一樣，傳媒控制了大家所接收的消息，要非常小心！反而我認為勒龐能贏的機會很大，若然她贏了，利淡的衝擊力不小。法國第二輪投票，5月7日。

香港特首選舉

四位候選人，林鄭好大機會、胡鬚曾好得民心、葉劉流淚、胡老陪跑。最後兩個，自從兩位司長正式表態後，都唔需要多講。

林鄭以大熱姿態，獲欽點的形象出黎，女強人的本色；相反胡鬚曾較弱勢，但講野老實、風趣，做唔做得野就唔知，但較多大眾接受。這情況同上一次完全相反，唐唐風趣但大熱，振英打得卻處弱勢，結果打幾場唐唐就輸了。今次林鄭打得仲好強勢，胡鬚曾想贏的機會就只有10%，要想在這10%的機會贏，形象重要外，招數一定要高明，「明打輸梗、以柔克剛、旁敲側擊」。

香港樓市好危險

呢個世界，從來都唔會走中間，走中間的無任何著數，所以，樓市和股市，只有很瘋狂和很悲哀，當大跌市時，政府點出招鼓勵市民買樓，都唔敢買。同樣地，辣照點重，樓市都會照升，再升，升到某一刻就會急跌了。我預計，2017將會好危險，不過，食粥食飯係整定的，無論幾危險，都總會有人沖入去，買128呎的豪宅。

換人民幣 買中國股市好時機

深港通終於開通，人民幣跌穿6.96，如果之前無在高位賣出，現在繼續揸住也無妨，短期相信會繼續跌，長期黎講會很好的。如果跌到與港元1兌1，係值得買既，如果低到HKD94=RMB100，嘩！呢個係超值，而呢個機會，我相信係有既，但到時大家還敢買嗎？

中國政府辛辛苦苦攪入SDR，點解會讓人民幣係咁跌呢？我相信中國政府從滬股通得到很多經驗。當時人民幣貴，股票係咁升，咁高的價格同匯率，再加上不成熟的處理方式，世界很難會同你玩。經歷過股災，人民幣入埋SDR，想其他國家用人民幣為儲備，成為國際通用貨幣，現在的匯率一定要任它跌，跌到夠吸引，甚至超值，資金自然會買。

除了匯率跌，仲有咩方式去引你呢？今次中國政府學聰明了，同樣用番股票。深港通點解在人民幣一直跌的時候推出？你看看，中國股市呢排卻一直升，與人民幣剛好相反，不斷說資金外流，卻一直有人買股票，原因就是要引資金買股票，不斷俾個更低成本的匯率你換人民幣，換左人民幣再引你投資股票，所以我相信中國股市短期會一直升，呢個係最好引你的方法，你唔買就越升越有！所以，以低價換人民幣，再買股票，到時兩邊一齊賺！中國若能成為大國，與美國、歐盟同級的話，匯率何止HKD130=RMB100呢？人民幣同美金1:1就差不多！

以上的論點，基於一個基礎，就係要相信中國會更好！同樣在97時，你相信哪方面？你選對了嗎？